Ekki bráðabrigðaloka með glerinu heldur skal fullglerja strax. 

Þéttilistar:
Lengi hefur tíðkast að nota gúmmílista sem kíttað var með að innan- og utanverðu.  Algengast í dag er aftur á móti að notaðir séu EPDM gúmmílistar að utan en butyllistar (eða venjulegir gúmmílistar) að innanverðu, án toppfyllingar. 

Fúgufylliefni:
Eins og að ofan greinir eru fylliefni notuð í síminnkandi mæli.  Þó er toppfylling viðhöfð enn og nota menn þá fjaðrandi eða teygjanlegt kítti.  Algengast er silicon.

Föls:  
Eins og segir í ábyrgðarskilmálum Samverks um einangrunargler, skulu föls loftræst með útborun eða rauf í falsið.  Þá hafa hallandi föls færst í aukana og er það vel.